2023就快結束，回想番今年嘅大小事，成立夠鐘煲粥一定係其中一樣啦。從年初開始有呢個諗法到年中終於開始第一期，中間都經歷左好多嘢。為左準備今期節目，我地都認真回憶左下今年嘅重要高光時刻，發現其實呢一年都做左唔少嘢，你嘅2023又過得點呢？新一年有冇咩一定要做嘅事？

夠鐘煲粥 Congee Time

EP.16 2023回顧+2024展望

生活中好多時候我地都會發現自己同外界對自己嘅要求或者自己對自己嘅要求相距甚遠。與其糾結尋找答案其增加內耗，不如直接上廣東人精神：是旦啦，求其啦，系咁先啦。無謂諗太多，接受自己下限，做到嘅就會去做，做唔到就接受，可以系和解，都可以見神殺神見佛殺佛。

EP34. 生活自救指南:和解

當四對情侶一齊去staycation究竟有咩可以做？聚眾運動？煮飯仔？朱古力表示仲煮乜啊我負責食㗎，人咁多就梗係一齊八卦啦

PS.多謝大廚嘅烤全羊，有興趣嘅聽眾自己去Costco搵

EP33.戒指？求婚？Staycation我們聊什麼

一齊備考廣東話水平測試，快啲睇下你有冇信心啦
粵音朗讀測試 (CRAT)  https://lshk.org/crat/

EP32.備戰廣東話考試

時隔冇幾個月，朱古力表示：我又唔想返工了，我幾時先可以財富自由？
所以今期我地就一齊分享下我地打工狀態，理想中嘅財富自由同自由職業。當然終身學習永遠係係一個話題，我地仲討論左一下軟件工程師究竟係搬磚工還係建築師，如果有行家聽到請留低你嘅諗法🤔



EP.31 如果自由職業會係點

朱古力六月同屋企人去做一個禮拜日本，當時正直日圓最低點，買買買就最好不過，而且咁耐冇見可以相聚就非常開心。但係同屋企人去旅行都唔係想象中咁輕鬆，今期就分享下，同爸媽去旅行究竟會產生咩問題，而結束旅程之後，從美食天堂返到美食荒漠就梗係要呻下
PS:呢集出街嘅時候雪條已經嘗試過Chipotle，佢都表示好難食。朱古力：終於唔係我揀食啦😂