In questo canale si parla di tanti argomenti, tutti diversi. Sono certa ci divertiremo imparando. 📚😃

Impara l’italiano con Isa

Հարցազրույցի այս մասը կարելի է վերնագրել՝ «Հայերեն սովորելու երեք պատճառ»: Այստեղ Անդրյուն թվարկում է երեք պատճառ, որոնց համար կարելի է սովորել հայերեն: 
Հարցազրույցի տեքստը կարող եք կարդալ անցնելով այս հղումով՝ 
https://docs.google.com/document/d/1d5lMJftudULuMs3gb1n5Wxz7JC98X5TNpGIIkKa-jR0/edit?usp=sharing

․․․ մասին 

Հարցազրույց Անդրյուի հետ. Մաս 3 #27

Հարցազրույցի երկրորդ մասում մենք խոսում ենք հայերեն սովորելու դժվարությունների և գեղեցկության մասին: 
Հարցազրույցի տեքստը կարող եք կարդալ այս հղումով՝
https://docs.google.com/document/d/1d5lMJftudULuMs3gb1n5Wxz7JC98X5TNpGIIkKa-jR0/edit?usp=sharing

Հարցազրույց Անդրյուի հետ. Մաս 2 #26

Սա հարցազրույցի առաջին մասն է, որտեղ Այնդրյուն պատմում է իր մասին: 
Սավոք սրտի, ես աստեղ չեմ կարող տեղադրել հարցազրույցի տեքստը, բայց ես այն կարող եմ ուղարկել ձեզ:  Այսինքն եթե ուզում եք ունենալ հարցազրույցի տեքստը, գրեք ինձ: 
Հարցազրույցի տեքստը կարող եք կարդալ այս հղումով՝ 
https://docs.google.com/document/d/1d5lMJftudULuMs3gb1n5Wxz7JC98X5TNpGIIkKa-jR0/edit?usp=sharing

Հարցազրույց Անդրյուի հետ. Մաս 1 #25 

Ողջունում եմ բոլորին, ովքեր լսում են այս թողարկումը: 
Այսօր հետաքրիր նորություն ունեմ ձեզ համար: Ես հարցազրույց եմ վարել իմ ուսանողներից մեկի հետ, իհարկե նրա ցանկությամբ: Հարցազրույցի ժամանակ մենք խոսել ենք լեզուների մասին: Հատկապես շատ ենք խոսել հայերենի մասին: Բացի հայերենից, քննարկել ենք, թե ինչով է օգտակար օտար լեզուների իմացությունը և ինչպես կարելի է օտար լեզու սովորել:
Հարցազրույցը տևում է 18 րոպե, այդ պատճառով ես այն italki-ում կտեղադրեմ մաս-մաս: Ընդհանուր հարցազրույցը բաժանել եմ չորս մասի, և յուրաքանչյուրը կտեղադրեմ առանձին: 
Ես կփորձեմ փոդքասթներին կցել նաև հարցազրույցի տեքստը, որպեզի ցանկության դեպքում դուք կարդալու հնարավորություն ունենաք: Եթե հարցեր լինեն, իհարկե, կարող եք գրել ինձ, ես սիրով կպատասխանեմ: 
Հուսով եմ, դուք կհավանեք այս ձևաչափը: Կարծում եմ, այն հետաքրքիր է: 
Կսպասեմ ձեր արձագանքին: 


Հարցազրույց Անդրյուի հետ #24

Հոգևոր արժեքների կղզին
Վերջերս մի խելացի մարդու հետ կարդում էինք մի հետաքրքիր առակ: Այստեղ ուզում եմ ձեզ համար կարդալ այդ առակը: 
Ժամանակին, շատ վաղուց, Երկրի վրա գոյություն ուներ /կար/ մի կղզի, որտեղ ապրում էին բոլոր հոգևոր արժեքները։ Մի օր նրանք նկատեցին, որ կղզին սկսել է անցնել ջրի տակ։ Բոլոր արժեքները նստեցին իրենց նավերը և հեռացան։
Կղզում մնաց միայն Սերը։ Նա սպասեց մինչև վերջին պահը, բայց երբ սպասելն այլևս անիմաստ դարձավ, նա էլ ցանկացավ հեռանալ կղզուց։
Այդ ժամանակ Սերը դիմեց Հարստությանը և խնդրեց, որ իրեն վերցնի իր նավի վրա։ Սակայն Հարստությունը պատասխանեց.
— Իմ նավը լի է ոսկով ու թանկարժեք գանձերով, քեզ համար այստեղ տեղ չկա։
Երբ կողքով անցնում էր Տխրության նավը, Սերը դիմեց նրան, բայց նա ասաց.
— Ների՛ր, Սե՛ր, ես այնքան տխուր եմ, որ պետք է միշտ մենակ մնամ։
Այդ պահին Սերը տեսավ Հպարտության նավը և օգնություն խնդրեց նրանից, սակայն Հպարտությունն ասաց, որ Սերը կխախտի իր նավի ներդաշնակությունը։
Անցնում էր նաև Ուրախությունը, բայց նա այնքան էր տարված զվարճանքով, որ նույնիսկ չլսեց Սիրո կանչերը։
Այդժամ Սերը լիովին հուսահատվեց։
Բայց հանկարծ նա իր հետևից լսեց մի ձայն.
— Գնա՛նք, Սե՛ր, ես քեզ կտանեմ։
Սերը շրջվեց և տեսավ մի ծերունու։ Նա Սիրուն հասցրեց ցամաք, և երբ ծերունին հեռացավ, Սերը հանկարծ հասկացավ, որ մոռացել է հարցնել նրա անունը։
Այդ ժամանակ նա դիմեց Գիտելիքին.
— Ասա՛ ինձ, Գիտելի՛ք, ո՞վ էր նա, որ ինձ փրկեց։ Ո՞վ էր այդ ծերունին։
Գիտելիքը նայեց Սիրուն և պատասխանեց.
— Դա Ժամանակն էր։
— Ժամանա՞կը, — զարմացավ Սերը։ — Բայց ինչո՞ւ նա ինձ փրկեց։
Գիտելիքը նորից նայեց Սիրուն, ապա նայեց հեռուն, ուր գնացել էր ծերունին, և ասաց.
— Որովհետև միայն Ժամանակն է գիտակցում, թե որքան կարևոր է Սերը կյանքում։

…
Առակի քննարկման ժամանակ զրուցակիցս մի հետաքրքիր բան նկատեց, որի վրա ես ուշադրություն չէի դարձրել: 
Նա ասաց. 
Ինչպես է ստացվում, որ բոլորը նավ ունեին, բացի՝ Սիրուց:  - Եվ նա մեկնաբանեց դա այսպես: - Սերն այնքան ահոգ է ապրում, այնքան երազկոտ է, որ երբեք չի մտածում հեռանալու մասին: Իսկ մյուս արժեքներն ավելի ռեալիստ են: 
Իսկ դուք ի՞նչ եք կարծում, ինչո՞ւ Սերը նավ չուներ: 
